HEILSUEFLANDI MH   

     MH er þátttakandi í verkefninu Heilsueflandi framhaldsskóli sem Lýðheilsustöð stendur að.

     Nánast allir framhaldsskólar á landinu eru þátttakendur í verkefninu.

     Markmið verkefnisins er heilsuefling nemenda og starfsfólks skólans á fjórum sviðum. Þau eru næring, hreyfing, geðrækt og lífsstíll.  

     Verkefnið er til fjögurra ára og einn vetur fer í að vinna á hverju sviði.

     Þennan vetur, 2011-2012, verður næring tekin fyrir og reynt að bæta allt tengt henni innan skólans.

     Innan skólans er starfandi stýrihópur og hlutverk hans er að halda utan um verkefnið.

     Í stýrihópnum eru fulltrúar nemenda, starfsfólks   og stjórnenda.

     Lýðheilsustöð heldur utan um verkefnið, leiðbeinir og styður við stýrihópinn.